Crime:పెళ్లికి ఒప్పుకోవడం లేదని అమ్మాయిల వెంటపడిన అబ్బాయిలను చూశాం.. ఒప్పుకోకపోతే జరిగే దాడుల గురించి వింటున్నాం.. కానీ ఇక్కడ ఓ యువతి తనను పెళ్లి చేసుకోవడానికి నిరాకరిస్తున్నాడని అతి కిరాతకంగా చంపింది. తనతో ఆనందంగా ఉంటానని చెప్పడంతో ఎంతో ఉత్సాహంగా వచ్చిన ఆ యువకుడి యువతి ప్రేమలో పడి మైమరిచిపోయాడు. ఇదే సమయంలో ఆమె తనతో తెచ్చుకన్న ఆయుధంతో హత్య చేసింది. ఈ సంఘటన వివరాల్లోకి వెళితే..
ఝార్ఘండ్ రాష్ట్రంలోని పలాము జిల్లా పోలీసులు తెలిపిన వివరాల ప్రకారం.. కోల్హై గ్రామానికి చెందిన అంజలి అనే యువతి ధర్మేన్ ఒరాన్ ను ప్రేమించింది. ఇద్దరు కొన్ని రోజుల పాటు చెట్టాపట్టాలేసుకొని తిరిగాయి. కొన్నాళ్ల తరువాత తనను పెళ్లి చేసుకోవాలని ఒరాన్ ను అంజలి అడిగింది. అయితే యువకుడు పెళ్లి మాట ఎత్తగానే దాటవేయసాగాడు. దీంతో ప్రీప్లాన్ గా ఒరాన్ ను చంపాలని నిర్ణయించుకుంది. ఈ క్రమంలో అక్టోబర్ 21న తనను కలవాలని ఒరాన్ కు ఫోన్ చేసింది అంజలి. ఒరాన్ వచ్చాక ఇద్దరూ కలిసి చెట్లపొదల్లోకి వెళ్లారు. కాసేపు కలిసున్నారు. ఈ క్రమంలో ఒరాన్ మైమరిచిపోయాడు.
ఇదే అదనుగా భావించిన అంజలి తనతో తెచ్చుకున్న ఆయుధం (గొడ్డలి)తో కిరాతకంగా హత్య చేసి పారిపోయింది. మరుసటి రోజు స్థానికులు గమనించి పోలీసులకు సమాచారం ఇచ్చారు. ఆ తరువాత పోలీసులు దర్యాప్తు చేసి 48 గంట్లలోనే అంజలిని పట్టుకున్నారు. ఈ క్రమంలో ఆమెను విచారించిన తరువాత అసలు విషయాన్ని బయటపెట్టింది. తనను పెళ్లి చేసుకోనందుకే హత్య చేశానని పేర్కొంది.