బెజ్జంకి, అక్టోబర్ 6, జనతా న్యూస్: బెజ్జంకి మండలం తిమ్మాయపల్లిలో శ్రీ మల్లికార్జున యాదవ సంఘం నూతన కమిటీ ఎన్నిక మంగళవారం నిర్వహించారు. సంఘం అధ్యక్షుడిగా మేకల యాదగిరి యాదవ్‌ను, ఉపాధ్యక్షుడిగా కల్లూరి నరేందర్‌ను, ప్రధాన కార్యదర్శిగా కల్లూరి ప్రభాకర్‌ను ఎన్నుకున్నారు. కార్యదర్శిగా మేకల శ్రీధర్‌, కోశాధికారిగా కల్లూరి రమేష్‌ ఎన్నికయ్యారు.
కార్యవర్గ సభ్యులుగా మేకల శ్రీకాంత్‌, కల్లూరి మహేందర్‌, మేకల రమేష్‌, కల్లూరి శ్రీనివాస్‌, కల్లూరి పెద్ద శ్రీనివాస్‌లను ఎంపిక చేశారు. నూతనంగా ఎన్నికైన కమిటీ సభ్యులను యాదవ సంఘం నాయకులు ఘనంగా సన్మానించి అభినందనలు తెలిపారు.
ఈ సందర్భంగా నూతన కమిటీ సభ్యులు మాట్లాడుతూ తమ ఎన్నికకు సహకరించిన యాదవ సంఘం నాయకులకు కృతజ్ఞతలు తెలిపారు. సంఘాన్ని మరింత అభివృద్ధి చేయడంతో పాటు యాదవుల ఐక్యత, సంక్షేమం కోసం సమష్టిగా కృషి చేస్తామని పేర్కొన్నారు.
