ప్రభుత్వ భూముల ఆక్రమణలపై చర్యలు చేపట్టాలి

బెజ్జంకి, అక్టోబర్ 5, జనతా న్యూస్: ప్రభుత్వ భూములను ఆక్రమించిన వారిపై వెంటనే బుల్డోజర్ చర్యలు చేపట్టాలని స్వేరోస్ నెట్‌వర్క్ జిల్లా మాజీ కోఆర్డినేటర్ ఉప్పులేటి బాబు డిమాండ్ చేశారు. హైకోర్టు తీర్పు, ఆర్డీఓ ఆదేశాల మేరకు తహసీల్దార్ విచారణ అనంతరం ప్రొసీడింగ్స్ జారీ చేసినప్పటికీ వాటిని అమలు చేయడంలో స్థానిక అధికారులు నిర్లక్ష్యం వహిస్తున్నారని ఆరోపించారు. సోమవారం బెజ్జంకి మండల కేంద్రంలో నిర్వహించిన ప్రజావాణి కార్యక్రమంలో సంబంధిత అధికారులను కలిసి వినతిపత్రం అందజేశారు. ప్రభుత్వ భూముల పరిరక్షణకు అధికారులు వెంటనే చర్యలు తీసుకోవాలని ఆయన కోరారు.