YS Sharmila: కడప నుంచి షర్మిల పోటీ?

YS Sharmila: విజయవాడ, జనతా న్యూస్: కేంద్ర ఎన్నికల సంఘం షెడ్యూల్ వెలువరించిన నేపథ్యంలో ఏపీలో రాజకీయ వాతావరణం వేడెక్కింది. ఈ రాష్ట్రంలో లోక్ సభతో పాటు అసెంబ్లీ ఎన్నికలుకూడా నిర్వహించనున్నారు. ఈ నేపథ్యంలో ఇప్పటికే అధికార వైసీపీ, టీడీపీ కూటమిలు అభ్యర్థులను ప్రకటించేస్తున్నాయి. అయితే లేటేస్టుగా కాంగ్రెస్ జాబితా రిలీజ్ చేసే అవకాశం ఉందని తెలుస్తోంది. ఈనెల 25న కాంగ్రెస్ అభ్యర్థుల జాబితాను విడుదల చేయనున్నారు. ఇందులో భాగంగా ఆ పార్టీ అధ్యక్షురాలు వైఎస్ షర్మిల కడప లోక్ సభ స్థానానికి పోటీ చేసే అవకాశం ఉందని తెలుస్తోంది. ఏఐసీసీ సూచనల మేరకే ఆమె ఇక్కడి నుంచి బరిలోకి దిగనున్నట్లు సమాచారం. అలాగే కాంగ్రెస్ లోని పలువురు సీనియర్లు కూడా పోటీలో ఉంటారు.