ఫ్యామిలీ చిత్రాల హీరోగా పేరు తెచ్చుకున్న వెంకటేష్ ఆ తరువాత ఎక్కువగా యాక్షన్ మూవీస్ లో నటిస్తున్నారు. ‘దృశ్యం’, ‘నారప్ప’ ల తరువాత భారీ యాక్షన్ మూవీ ‘సైంధవ్’లో కనిపించనున్నాడు. ఇప్పటి వరకు 74 చిత్రాల్లో నటించిన వెంటకీ ఇప్పుడు 75వ మూవీతో థియేటర్లోకి రాబోతున్నాడు. శైలేస్ కొలను ఈ సినిమాకు డైరెక్టర్.త్వరలో ఈ మూవీ ప్రేక్షకుల ముందుకు రానుంది. ఈ నేపథ్యంతో వెంకీ గురించి ఓ ఆసక్తికర విషయం వెలుగులోకి వచ్చింది. ఆయన ప్రస్తుతం ఓ స్టార్ డైరెక్టర్ తో కమిట్ అయినట్లు తెలుస్తోంది.
సినిమాలే కాకుండా వెబ్ సిరీసులతోనూ వెంకటేష్ అలరిస్తున్నారు. తన అన్న కొడుకు రానాతో కలిసి రానా నాయుడులో నటించి మెప్పించాడు. ఈ సీరీసులో వెంకీ యాక్షన్ అదుర్స్. కానీ మూవీ భారీ డిజాస్టర్ కావడంతో మరోసారి వెబ్ సిరీస్ వైపు వెళ్లలేదు. కానీ వరుస సినిమాలు చేస్తూ ఆకట్టుకుంటున్నారు. తాజాగా వెంకీకి స్టార్ డైరెక్టర్ సురేందర్ రెడ్డి ఓ స్టోరీ చెప్పినట్లు తెలుస్తోంది. ఈ స్టోరీ బాగా నచ్చడంతో సురేందర్ రెడ్డితో సినిమా తీయడానికి వెంకటేష్ రెడీ అయినట్లు తెలుస్తోంది.
కిక్, రేసుగుర్రం వంటి బంపర్ హిట్టు చిత్రాలు తీసిన సురేందర్ రెడ్డి ఆ తరువాత తీసిన కొన్ని ఆకట్టులేకపోయాయి. అయితే ఇప్పుడు వెంకీతో తీయబోయే మూవీ మాత్రం ప్రేక్షకులను విపరీతంగా ఆకట్టుకుంటుందని అంటున్నారు. సురేందర్ రెడ్డి ఇప్పటి వరకు సీనియర్ హీరో మెగాస్టార్ చిరంజీవితో కలిసి సైరా నరసింహారెడ్డి సినిమాను తీశాడు. ఈ సినిమా పెద్దగా ఆకట్టుకోలేదు. దీంతో స్టార్ హీరోలతో సురేందర్ రెడ్డికి కలిసి రావడం లేదన్న అభిప్రాయం ఏర్పడింది. కానీ ప్రస్తుతం వెంకీతో తీయబోయే స్టోరీ విభిన్నంగా ఉంటుందన్న చర్చ సాగుతోంది.
సెలెక్టివ్ కథలతో ముందుకు వెళ్తున్న వెంకటేష్ ఈ యాక్షన్ సినిమాలో ఎలా కనిపిస్తాడోనన్న ఆసక్తి పెరిగింది. ప్రస్తుతం వెంకటేష్ సైంధవ్ సినిమాతో బిజీగా మారాడు. నిహారిక ఎంటర్టైన్మెంట్ బ్యానర్ పై వెంకట్ బోయినపల్లి ప్రతిష్టాత్మకంగా తీస్తున్నారు. భారీ బడ్జెట్ తో తీస్తున్న ఈ సినిమా డిసెంబర్ లో రిలీజ్ అయ్యే అవకాశం ఉంది. బాలీవుడ్ యాక్టర్ నవాజుద్దీన్ సిద్ధికీ లాంటి వారు ఇందులో నటిస్తున్నారు. ఇప్పటికే రిలీజ్ అయిన పోస్టర్లు విపరీతంగా ఆకట్టుకున్నాయి.