వక్రతుండాయా ..ఏకదంతాయా గౌరీ తనయాయ ధీమహి..

పట్టణంలోని విద్యానగర్ ప్యారిస్ లైన్ యందు నవారాత్రోత్సవాల్లో  ఏర్పాటుచేసిన మట్టి గణపతి మండపం భక్తలను విశేషంగా ఆకర్షిస్తుంది.గణపతి ప్రతిష్టాత్మన నుండి నిత్యం వివిధ అధ్యాత్మికత కార్యక్రమాలను ఏర్పాటుచేసి హిందూత్వ అచరానికి ఉన్న ప్రాముఖ్యతను ప్రజల్లోకి తీసుకువెళ్తున్నారు ఉమా పుత్ర ఉత్సవ కమిటీ నిర్వహకులు. నవరాత్రులు అత్యంత భక్తి శ్రద్ధ,నిష్టతో గణేశుడిని ఆరాదించేల విన్నూతనంగా అధ్యాత్మికత కార్యక్రమాలు నిర్వహిస్తున్నారు.సుమారు లక్ష భక్తులు దర్శించుకునేల ప్రత్యేక కార్యాచరణ రూపొందించి నవరాత్రోత్సవాలను అంగరంగ వైభవంగా నిర్వహిస్తున్నారు ఉత్సవ కమిటీ నిర్వహాకులు.ఇప్పటికే వేల మంది భక్తులతో పూజలందుకుని దర్శించుకోవడంతో పట్టణంలో ప్యారిస్ లైన్ గణపతి అత్యంత ప్రాధాన్యతను సంతరించుకుంది.

ఈ  గణేశ్‌ మండపాన్ని చూస్తే..ఇక్కడే ఇంకాసేపు ఉండి పోవాలనిపిస్తుంది ఎవరికైన. ప్రధానంగా ఉదయం, సాయంత్రం వేళల్లో ఎన్నో విశేషాలు ఇక్కడ చూసి తరించవచ్చు. మండప ఆవరణలో ప్రతీదీ ప్రత్యేకమే. ఇందులో ఏర్పాటు చేసిన ఒక్కో ప్రదర్శనలో ఒక్కో  సందేశం, అందులో నిమిడీ కృతమైన భక్తి భావం అన్ని వర్గాలనూ ఆకట్టుకుంటోంది. రోజుకో  విభిన్న ఆధ్యాత్మిక వేడుకను చూసేందుకు ఇక్కడి విద్యానగర్‌ వాసులే కాదు..జిల్లాలోని వివిధ ప్రాంతాల నుండి వేలాదిగా భక్తులు తరలి వస్తున్నారు. భగవద్గీత, రామాయణంలోని ముఖ్య ఘట్టాల్లోని కొన్ని అంశాలను ఈ ప్రదర్శనలో చూసి తరించాల్సిందే. ఇక్కడి మండప వాతావరణం భక్తులను మంత్ర ముగ్దులను చేస్తుంది. నగరంలోని విద్యానగర్‌ ప్యారీస్‌ లేన్‌ మండపంలోని వాలెంటీర్లు  భక్తులకు పూర్తి స్థాయిలో అవగాహన కల్పిస్తున్నారు.

మట్టి గణపతుల వినియోగం పర్యావరణ పరిరక్షణకు ఎంతగానో సహాయపడుతోంది. పీవోపీ విగ్రహాలతో పోలిస్తే, మట్టి గణపతులు చాలా సహజమైనవి, ఎలాంటి రసాయనాలు లేకుండా, పూర్తిగా పర్యావరణ అనుకూలంగా ఉంటాయి.గణపతి విగ్రహాలను నిమజ్జనం చేసిన తర్వాత మట్టితో మళ్ళీ సృష్టి అవుతుంది, ప్రకృతికి ఎలాంటి హాని కలిగించదు. ఈ నేపథ్యంలో మట్టి గణపతుల వినియోగం మరింత విస్తృతం కావాలనే సదుద్దేశ్యంతో మట్టి ప్రతిమను ప్రతిష్టించడం శుభపరిణామం.

భక్తులకు అహ్లాదకరమైన వాతావరణ

అందించేల మండపాన్ని రూపకల్పన చేశారు ఉమా పుత్ర ఉత్సవ కమిటీ నిర్వహాకులు.మండపంలో ఏర్పాటుచేసిన మట్టి గణపతితో పాటు అమర్నాత్ మంచు లింగ తరహాలో లింగాన్ని స్థాపించారు.దీంతో భక్తులు అత్యధికంగా తరలించి వచ్చి దర్శించుకుంటున్నారు.ఆకు పచ్చని పైర్లు,గోమాత కృష్ణావతార లీలలు భక్తులను ప్రత్యేకంగా ఆకర్షిస్తున్నాయి.

రోజూ గణపతి పూజాది కార్యక్రమాలతో పాటు ఆధ్మాతిక సందేశాలు ఆకట్టుకుంటున్నాయి. మహా రుద్రాభిషేకం హైలైట్‌గా నిలిచింది. నేపాల్‌ ఖట్మండ్‌ సమీప ప్రాంతంలో తీసుకొచ్చిన రుద్రాక్షలతో పశుపతి లింగం, అమర్‌నాథ్‌ లోని మంచు శివలింగం, నవధాన్యాలతో గణపతి ప్రతిమ తయారు చేసి ప్రత్యేక పూజలు చేశారు. ఉదయం నుండి రాత్రి వరకు భక్తులు పెద్ద ఎత్తున తరలి వచ్చి దర్శించుకున్నారు. మరో రోజు శ్రీ కృష్ణ లీలలు ఆకట్టుకోగా.. ఉండ్రాళ్లు, మొక్కజొన్న, తెల్ల జిల్లేడు, తమలపాకులు..ఇలా గణపతికి వివిధ నైవేద్యాలు సమర్శించి వేడుకలు నిర్వహించారు. కుభేర లక్ష్మి గణపతి అలంకరణ, కరెన్సీలతో మండపం ఆకర్శనగా నిలువనుంది.

అయా గ్రామాల్లో నిర్వహించే ఉత్సవాలకు(జాతరాలకు )  హజరయ్యేవిధంగా భక్తులు దర్శించుకుంటున్నారు. గణపతికి ప్రత్యేక పూజలు చేయడానికి వస్తున్న భక్తులతో మండపం అవరణమంత రద్ది వాతావరణం నెలకొంది.పూజలు చేయడానికి భక్తులు క్యూలైన్ యందు అర్థరాత్రి దాటిన తర్వాత కూడ భారులు తీరడం విశేషం.

వినాయ నవరాత్రోత్సవాల్లో ప్యారిస్ లేన్ యందు ఏర్పాటుచేసిన మండపంలో శ్రీ కుబేర లక్ష్మి గణపతి అలంకరణ అత్యంత ప్రాధాన్యతను సంతరించుకుంది.మూడు రోజుల పాటు నిర్వహించనున్న కుబేర లక్ష్మి గణపతి అలంకరణలో వినాయకుడి ప్రతిమను కరెన్సీతో ప్రత్యేకంగా అలంకరించనున్నారు.

 ప్రజల్లో ఆధ్యాత్మిక, దేశభక్తి పెంపొందించడంతో పాటు, సామాజిక సమైక్యత పెంపొందేందుకు కృషి చేస్తున్నాం. ఇందులో భాగంగా గణేశ్‌ నవరాత్రి ఉత్సవాలను వేదికగా మల్చుకుని  పలు వినూత్న కార్యక్రమాలు చేస్తున్నాం. భజన కార్యక్రమాలు, ఆధ్యాత్మిక కథా కాలక్షేపం, పుష్పాలు, కరెన్సీ నోట్లతో అలంకరణ, కృష్ణలీల, మహా రుద్రాభిషేకం..లాంటి వినూత్న వేడుకలు నిర్వహించడమే కాకుండా భక్తులు ఆకట్టుకునేలా సందేశాలు కూడా ఇస్తున్నాం.  మహాభారతం ద్వారా సామాజిక విలువల్ని ప్రపంచానికి అందించిన మహత్తరమైన దేశం మన భారతదేశం. తరతరాలుగా ఘనమైన వారసత్వంతో ముందుకు సాగుతున్న సంస్కృతీ సంప్రదాయాలు, పవిత్రమైన పండుగలు,  ఆచారాలు అందరూ పాటించేలా తవ వంతు కృషి చేస్తున్నాం.