సర్పంచ్‌ పదవికి రేటు రూ. 2 కోట్లు ?

సర్పంచ్‌ పదవికి రూ. 2 కోట్లట. పంజాబ్‌ రాష్ట్రంలోని గురుదాస్‌పూర్‌ జిల్లాలోని హర్దోవల్‌ కలన్‌ అనే గ్రామంలో రూ. 50 లక్షల నుండి వేలం పాట ప్రారంభించగా, బీజేపీ నేత ఆత్మాసింగ్‌ రూ. 2 కోట్లకు పాట పాడి దక్కించుకున్నాడట. ఈ విషయం దేశ వ్యాప్తంగా చర్చకు తెర లేవగా..అధికార యంత్రాంగం స్పందించినట్లు తెలుస్తుంది. కాగా..పంజాబ్‌ రాష్ట్రంలో ఈనెల 15న 13, 237 సర్పంచ్‌ పదవులకు ఎన్నికలు జరుగనున్నాయి. నామినేషన్లకు తుది గడువు ఈ నెల 4న ఉండగా..హర్దోవర్‌ కలన్‌ గ్రామంలో ఇలా వేలం పాటలో రూ. రెండు కోట్లకు సర్పంచ్‌ పదవిని దక్కించుకున్నట్లు విమర్శలు వెల్లువెత్తుతున్నాయి. సదరు ఆత్మాసింగ్‌ మంగళవారం నామినేషన్‌ దాఖలు చేయగా, ఆయనకు పోటీగా ఇంకెవరన్నా నామినేషన్‌ వేస్తారా..అనేది వేచి చూడాలి.