Crime : బీమా సొమ్ము కోసం పాము కాటు వేయించాడు..

Crime :ఛత్తీస్ గఢ్ లో  దారుణం చోటుచేసుకుంది. ఈ రాష్ట్రంలోని కాంకేర్ జిల్లాలో ఓ యువకుడు డబ్బుమీద ఆశపడి సొంత అమ్మమ్మనే చంపించాడు.  కాంకేర్ జిల్లా బాందే పోలీస్ స్టేషన్ పరిధిలో రానా పఠారియా అనే మహిళ మనువడు ఆకాశ్ తన అమ్మమ్మ పేరిట  కోటి రూపాయల బీమా పాలసీని చేయించాడు.  ఆ తర్వాత కొన్నాళ్లకు ఆ బీమా సొమ్మును కాజేయాలనుకున్నాడు. ఈ తరుణంలో   ఓ వ్యక్తికి రూ. 30,000 సుపారీ ఇచ్చి  ఆయన అమ్మమ్మకు పాముకాటు వేయించాడు. దీంతో ఆమె చనిపోయింది. అయితే  పాముకాటు కారణంగా  మరణం సంభవించిందని నిందితుడు అందరిని నమ్మించాడు. ఈనేపథ్యంలో  కోటి రూపాయల బీమా సొమ్ము అందుకున్నాడు. ఈ ఘటనపై కేసు నమోదు చేసుకున్న పోలీసులు ఆకాశ ప్రవర్తన పై అనుమానం వచ్చి విచారించారు. తమదైన శైలిలో ప్రశ్నించగా అసలు విషయం బయటపడింది. దీంతో ఆకాశం అరెస్టు చేసి అతని దగ్గర నుంచి రూ. 10 లక్షల నగదు స్వాధీనం చేసుకున్నారు.